LOCAL LAD AWAY WITH THE FAIRIES
Cannae believe The Digger ran wae that bludie heidline. Sake! Ma best pal Danny kidnapped by fairies, hobbits, or whitever, and naebdy believes me. Saw it happen richt afore ma een! Evry time A try tae talk tae sumdy aboot it, A see the luik oan thur faces, wee smirks tuggin thur cheeks, an imagine the thoats wheechin throu thur heids.
He boozin? Oan a permotrip? Or jist mental?
Then A stert mantin sumhin awfa, cannae git ma wurds oot at aw, an that’s when they stert lauchin.
Sae even though A’m no much ae a writer, A’m scrievin ma story doon here an aiblins sumday sumdy’ll see it…
Written as part of #Scotstober2022 on Twitter (25th October — “mant”)
